Ministériu Petróleo no Rekursus Minerais liuhusi Diresaun Nasionál Planeamentu no Monitorizsaun (DNPM) realiza diseminasaun kona-ba Programa, Orsamentu no Formatu Relatóriu Dezempeñu tinan fiskál 2024 ba responsavél atividade sira, iha Meeting Room MPRM.
Objetivu prinsipál husi atividade diseminasaun ne’e mak atu partilla informasaun sira ligadu ho Programa no Orsamentu MPRM nian ba responsavél atividade sira kada diresaun sira iha MPRM. Aleinde-ne’e, introdúz mós formatu Relatóriu Dezempeñu ba responsavél atividade sira hodi bele fasilita sira elabora Relatóriu Dezempeñu trimestrál no anual bazeia ba indikadór no metas ne’ebé define ona iha Planu Asaun Anual (PAA) 2024.
Partisipa iha atividade diseminasaun refere mak Diretór Jerál, Inspetór Gabinete Fiskalizasaun no Auditória, Koordenadora EITI-TL, Koordenadora Gabinete Apoiu Juridiku; Kargus Diresaun no Xefias, Asesores, Tékniku sira husi Unidade Jestaun Projetu (Sigla Inglés-PMU) no funsionáriu sira husi MPRM.
